Un accidente múltiple entre cinco vehículos ocorrido na A-55, ao seu paso polo municipio do Porriño, deixa a catro persoas feridas que necesitaron ser trasladadas en ambulancia.

Pouco antes das 15,30 horas deste xoves, unha testemuña alertou ao 112 Galicia de que varios vehículos chocaran no quilómetro 16 da A-55.

Tras o aviso, solicitouse a intervención do 061, Bombeiros deo Baixo Miño, Garda Civil de Tráfico, Policía Local e Protección Civil do Porriño.

Por outra banda, O Porriño rexistrou outra accidente esta tarde de xoves, neste caso un choque entre un tractor e un vehículo, o que provocou o traslado de tres persoas.

Segundo informa o 112, o accidente tivo lugar ás 17,00 horas na parroquia de Santa Eulalia de Atios. O sistema de emerxencia ‘eCall’ do coche deu a alerta. Debido ao impacto, o condutor do tractor tivo que ser trasladado ata o hospital, do mesmo xeito que dous ocupantes do coche. Outras dúas persoas que ían no interior do turismo, unha delas menor, tamén acudiron ao hospital aínda que polos seus propios medios.