O Concello de Vigo anunciou que este sábado, día 25 de maio, abrirán as piscinas municipais de Samil. Nun audio difundido aos medios de comunicación, o alcalde, Abel Caballero, indicou que estarán abertas ata o 30 de setembro en horario de 12.00 horas a 21.00 horas.

“Son cinco piscinas, as cinco con auga salgada”, subliñou, engadindo que haberá ata 11 socorristas para vixiar aos nenos. O rexedor informou de que o goberno local fixo traballos de mantemento e limpeza nas piscinas de Samil para que xa poidan estar preparadas nesta época estival.