O temporal rexistrado nos últimos días en Galicia provocou multitude de danos no Concello de Vigo, deixando sen funcionamento varios ascensores e ramplas mecánicas da cidade. Nun comunicado, o goberno local olívico informou de que na actualidade está a traballar para pór en marcha elementos do chamado Vigo Vertical que foron afectados as condicións meteorolóxicas adversas.
Así, xa están operativas as ramplas mecánicas de Gran Vía e as escaleiras de II República, mentres continúan as obras nos ascensores da rúa Pizarro e no que conecta Menéndez Pelayo con Camelias.
“No caso do ascensor do Parque Camilo José Cela, é necesario acometer primeiro a reparación dunha tubaxe da rede de saneamento, que provocou danos na parte baixa da mecánica do ascensor, polo que se arranxará en canto acaben eses traballos”, engadiu o Concello.
