A Policía Local do Porriño interceptou a un condutor de 34 anos de idade, que foi denunciado como presunto autor dun delito contra a seguridade viaria, e que circulaba cunha taxa de alcoholemia que superaba o triplo da máxima permitida, levando ademais a tres menores no seu vehículo.
Segundo informaron fontes municipais do Porriño, os feitos ocorreron na madrugada deste domingo, cando axentes de Policía Local deron o alto ao vehículo nun control preventivo, na Avenida de Buenos Aires. Ao realizarlle a proba de alcoholemia, o condutor arroxou un resultado positivo de 0,81 mg/l.
Os axentes comprobaron que o home levaba no interior a tres menores, e procederon á inmovilización do vehículo. Así mesmo, a Policía Local deu conta do sucedido á Fiscalía de Menores e aos servizos sociais municipais do concello de procedencia dos implicados.
