O cantante español C. Tangana foi seleccionado pola Fundación Coral Casabranca de Vigo para ser recoñecido como Compoñente de Honra, despois de que o artista seleccionase á agrupación para interpretar ‘Oliveira dos 100 anos’.
Nun comunicado, a Coral Casablanca puxo en valor a importancia desta obra para o grupo xa que, por mor da súa publicación en 2023, numerosos medios de comunicación, nacionais e internacionais, se fixeron eco da mesma, “facendo mención á calidade interpretativa da Coral e xerando a maior repercusión mediática que xamais tivo a Coral en todos os anos de historia”.
“Ademais de premiar e agradecer esta designación, o talante sinxelo, cariñoso e próximo que Antón Álvarez (máis coñecido como C. Tangana) mostrou coa Coral nas longas sesións de gravación e rodaxe, xerou nos membros do padroado e nos compoñentes do coro unha relación que tamén se pretende institucionalizar con este recoñecemento”, subliñou a agrupación.
O acto de nomeamento de Compoñente de Honra será levado a cabo antes de verán en Vigo. Xa en agosto se llevó comunicou esta decisión ao artista, que recibiu con alegría e agradecemento a distinción.
Os compoñentes de honra da Coral Casablanca instauráronse en 2010 para recoñecer o apoio e agarimo que institucións e persoas brindan de forma desinteresada á Fundación Coral Casabranca de Vigo.
