O home que cravou un desaparafusador na cabeza a outro home en Vigo aceptou este xoves a pena dun ano de cárcere durante a vista de conformidade celebrada no Xulgado do Penal número 2 de Vigo.
Os feitos remóntanse a abril de 2022, cando o agora condenado atacou ao home, que coñecía de vista, na Avenida de Beiramar. Segundo o escrito de Fiscalía, o home díxolle que “o ía a matar”, para logo perseguilo e cravarlle o desaparafusador na parte posterior da cabeza, á altura da orella esquerda.
Ademais, propinoulle varias puñadas. A consecuencia dos ocorrido, a vítima sufriu lesións consistentes nunha ferida dun centímetro de profundidade na orella, precisando unha intervención cirúrxica. A pesar de que inicialmente se solicitaba unha pena de tres anos de prisión, finalmente o acusado aceptou un ano de cárcere.
