Un incendio calcinou por completo un alboio do lugar de Paraboa, na parroquia de Chaín, pertencente ao municipio pontevedrés de Gondomar. A estrutura das instalacións colapsou por completo sen causar danos persoais.

Segundo informou o 112, ao fío das 17,00 horas recibiron o aviso da Policía Local. Ata o punto mobilizaron ao GES do Val Miñor e a Consellería do Medio rural enviou unha motobomba.

Os servizos de extinción traballaron durante varias horas no punto para controlar o incendio que quedou extinguido pasadas as 19,00 horas.