A empresa de pirotecnica La Gallega ten dúas semanas e un día para retirar todo o seu material de forma coordinada e supervisada coa Subdelegación do Goberno. No caso de non abandonar estas instalacións, sería o propio Concello de Tui o encargado de executar esta orde.

Carlos Vázquez Padín, alcalde de Tui, fixo público este venres o decreto no que se recolle a orde de desaloxo, en cumprimento das sentenzas do xulgado contencioso administrativo de Pontevedra e do Tribunal Superior de Xustiza de Galicia.

Pola súa banda, o propietario de La Gallega atópase en prisión provisional pola explosión do seu almacén clandestino na parroquia de Paramos, que custou a vida a dúas persoas, feridas a varios veciños e cuantiosos danos materiais.

Agora deberá poñer fin ao almacenamento dos produtos explosivos, materias primas, produtos transformados ou sen transformar e outros materiais utilizados nesta actividade.