Unha muller foi trasladada ao hospital tras sufrir un accidente de tráfico, xa que se saíu da vía e caeu co seu vehículo por un terraplén na parroquia de Taborda, en Tomiño .

Tras o sinistro, rexistrado no quilómetro 6 da PO-350, as persoas que se atopaban no lugar axudaron ao persoal sanitario a sacar á muller do vehículo. A continuación, foi evacuada ao centro sanitario.

O 112 Galicia, que foi alertado por un particular ás 8,00 horas, activou un operativo para o que se solicitou a colaboración de Urxencias Sanitarias de Galicia-061, dos bombeiros do Porriño (que non chegaron a intervir), do GES da Guarda e da Garda Civil de Tráfico.