Unha muller e os seus dous fillos menores, un deles un bebé, resultaron feridos nun accidente de tráfico ocorrido a última hora deste domingo na localidade pontevedresa de Tui. Segundo a información do CIAE 112-Galicia, o suceso ocorreu sobre as 21.30 horas, cando o vehículo no que viaxaban os tres feridos envorcou á altura de Pazos de Reis. Foi o concesionario o que avisou a emerxencias ao ter coñecemento do sinistro polo servizo de alertas.
Ata a zona foron desprazados efectivos sanitarios do 061, así como unha dotación dos Bombeiros de Ribadumia e os GES-Bombeiros de Ponteareas. Tamén foron avisados os membros do GES de Mos, os Bombeiros de Vigo, os axentes de Tráfico, da Policía Local e os efectivos da Agrupación de Voluntarios de Protección Civil da localidade.
O persoal sanitario trasladou aos tres feridos ao Hospital Álvaro Cunqueiro de Vigo, mentres que os membros do GES-Bombeiros de Ponteareas procederon a estabilizar o vehículo, que envorcara lateralmente a escasos metros dunha pendente.
