A 20ª edición do festival Son Rías Baixas celébrase entre este mércores, 2 de agosto, e o 5 de agosto en Bueu, nunha cita que terá cabezas de cartel como Natos e Waor, Macaco e La Pegatina.
Este festival, que se presentou este luns, contará cun ecléctico cartel que contará coa representación galega de Ortiga e Pili Pamín, Grande Amore, Lamontagne & PicoAmperio ou Lamatumbá, entre outros. Boikot, Lendakaris Mortos e Santa Salut serán outros dos nomes que pasarán por Bueu. Haberá dous escenarios: Fest Galicia e Turismo Rías Baixas.
As entradas por día e abonos (con acceso gratuíto á zona de acampada) están dispoñibles a través da páxina web (www.sonriasbaixas.info). O custe do abono por día é de 30 euros, mentres que para os tres días ascende a 60. O evento conta coa colaboración do Concello de Bueu, a Consellería de Cultura e a Deputación de Pontevedra, entre outros.
