As entradas para o concerto de Bad Gyal no auditorio de Castrelos de Vigo sairán á venda este venres, día 4 de agosto, segundo informou o alcalde, Abel Caballero, nun audio difundido aos medios de comunicación.
En concreto, como vén sendo habitual, venderanse 2.500 entradas na quenda de mañá (09,30 horas) e outras tantas na quenda de tarde (16,30 horas). Delas, 1.250 ofreceranse de forma presencial en cada quenda no despacho de billetes do auditorio do Concello e a mesma cantidade na web.
Este ticket permiten acudir á platea do auditorio, mentres que gozar do concerto nas bancadas é totalmente gratuíto. Caballero puxo en valor a Bad Gyal como unha das artistas españolas máis recoñecidos a nivel internacional, ao contar con case 20 discos de platino e cinco discos de ouro. Ademais, segundo destacou o rexedor, na súa última xira cantou nos escenarios máis importantes de Europa, Estados Unidos e América Latina.
Doutra banda, Abel Caballero lembrou que este martes actuarán as orquestras Combo Dominicano e Panorama na chaira de Balaídos entre as 20,00 e as 00,00 horas, nun concerto tamén enmarcado nas Festas de Vigo, organizadas polo Concello.
