O Campus Aberto da Universidade de Vigo (UVigo) ofrecerá o próximo curso ata 13 títulos propios, entre eles un máster dual centrado en Información geoespacial “único en España”.
Esta será unha do cinco novidades do ano académico 2023/2024 deste campus, que engloba toda a formación permanente da UVigo, cun catálogo que inclúe desde máster propios a títulos de especialista ou cursos de curta duración para persoas con ou sen titulación universitaria.
En total, para o primeiro cuadrimestre do próximo curso ofertaranse 13 programas formativos “que nacen das demandas sociais e da colaboración con empresas e entidades externas”, xa que boa parte das iniciativas contan coa participación de profesionais experimentados e de recoñecido prestixio.
Entre estes títulos está a posta en marcha do primeiro máster dual que se imparte nunha universidade pública en España, centrado na formación permanente en Información geoespacial, que se desenvolverá en colaboración con Telespacio Ibérica, empresa coordinadora do proxecto GeoSub.
Outra das novidades que comezan o próximo ano son o curso de especialista en Industria Musical, o de Especialista en Edición, o de Experto en inglés xurídico e o de formación universitaria de Proteccións eléctricas en subestacións.
