Asistimos a unha constante escalada de prezos na enerxía eléctrica. En Galicia, no ano actual, xa se supera en máis do 25% o prezo do ano 2017. “Nesta realidade, máis de 250.000 galegos están en situación de pobreza enerxética e soamente 2.500 familias recibiron o chamado bono eléctrico”, lembran desde Compromiso por Galicia.
Diante da inminente chagada do inverno, dende Compromiso por Galicia dirixíronse á FEGAMP (Federación Española de Municipios e Provincias), para propoñer unha medida concreta en Galicia.
Polo tanto, solicitan a creación dunha ordenanza común de mínimos para os Concellos galegos, que regule o prezo dos voadiños e postes das liñas eléctricas. O recadado por este sistema se transformaría nunha axuda directa as familias para investir en aforro enerxético e custes.
Dentro da ordenanza, piden gravar de forma máis dura aquelas liñas de servizo para empresas produtivas cuxa razón social estea fora de Galicia, como incentivo para o asentamento real das nosas empresas.
“Galicia é unha produtora de primeiro nivel de enerxía, non é lóxico que sexamos os que máis paguen pola enerxía diante da pasividade de gobernos de PP e PSOE nas administracións competentes”, concluíron.
