InicioSucesosTres feridos ao precipitarse por un terraplén o vehículo no que viaxaban...

Tres feridos ao precipitarse por un terraplén o vehículo no que viaxaban en Salvaterra

Foron evacuadas ao hospital de referencia.

PUBLICADO O

- Advertisement -

Tres persoas resultaron feridas este domingo despois de precipitarse por un terraplén o vehículo no que viaxaban no municipio pontevedrés de Salvaterra de Miño.

Segundo informou o 112 Galicia, o accidente ocorreu sobre as 15.00 horas. Nese momento, un particular chamaba ao 112 Galicia para solicitar axuda. Indicaba que un vehículo que circulaba polo Outeiro, preto do centro cultural da parroquia de Uma, en Salvaterra de Miño, saíuse da vía e precipitouse por un terraplén. Ademais, aseguraba que os seus ocupantes estaban feridos e con dificultades para saír do interior do habitáculo.

Con esta información, o 112 deu aviso aos servizos sanitarios, aos Bombeiros do Porriño e aos GES-Bombeiros de Ponteareas. Así mesmo, puxeron os feitos en coñecemento dos axentes de Tráfico e da Policía Local.

Xa no lugar, os servizos de emerxencia confirmaron que excarceraran ao tres ocupantes que viaxaban no coche, que foron trasladados polos servizos sanitarios ao centro hospitalario de referencia.

ÚLTIMAS

A acampada de Vigo inicia o seu desmonte con concentracións para pedir vivenda para dez persoas sen fogar

A acampada pola vivenda de Vigo iniciou este domingo o proceso de desmonte do...

(Fotogalería) As mellores imaxes dunha noite máxica: Vigo acende o Nadal 2026

Vigo volveu converterse este sábado no epicentro do Nadal cun espectacular acendido que reuniu...

“Todo o planeta” xa pode gozar do Nadal de Vigo

A cidade de Vigo acendeu este sábado as súas luces para dar comezo así...

A ministra de Deportes suxire que Vigo será sede do Mundial de Fútbol

A ministra de Educación, Formación Profesional e Deportes, Milagros Tolón, asegurou que o estadio...