Un edificio abanadonado de Vigo foi desaloxado este sábado tras producirse un incendio que provocou danos materiais no seu interior. Ninguén resultou ferido. Segundo informou o 112, a pesar de que había persoas no seu interior no momento dos feitos, ninguén resultou ferido. Ademais, os equipos de emerxencia indicaron ao servizo que puideron rescatar a un can, que resultou ileso.
A consecuencia das chamas, a edificación –composta por dous pisos e un ático– resultou bastante afectada. Segundo a información facilitada polos Bombeiros de Vigo, arderon por completo o ático e o segundo piso, o primeiro quedou bastante danado pola acumulación de lume e fume.
O edificio, que tivo que ser desaloxado, está situado na Rúa Sanjurjo Abadía. O 112 Galicia tivo constancia do incendio poucos minutos antes do dez horas da mañá de hoxe a través da chamada de alerta de varias persoas particulares.
Acto seguido, o persoal do Centro Integrado de Atención ás Emerxencias (CIAE) 112 Galicia pasaba o aviso aos Bombeiros de Vigo, aos profesionais de Urxencias Sanitarias de Galicia-061, á Policía Local e Nacional e tamén aos efectivos de Protección Civil da cidade.
