Axentes da Policía Nacional da Comisaría de Vigo detiveron a tres mulleres, supostas integrantes dunha organización criminal itinerante dedicada aos roubos en domicilios. Segundo informaron fontes policiais, a detención produciuse momentos despois de que as sospeitosas fracturasen a fechadura nun piso do centro de Vigo, e entrasen para facerse con xoias e diñeiro en efectivo.
A rápida intervención dos axentes permitiu interceptar ás sospeitosas pouco despois do roubo, cando estaban a deambular pola cidade “en busca de novos obxectivos”. Así, trátase dun grupo caracterizado pola alta reincidencia delituosa nun breve espazo de tempo.
Cando foron interceptadas, os policías comprobaron que dous delas achegaban documentación falsa para identificarse, e interviñéronselles diversos obxectos que levaban ocultos entre as súas roupas: desaparafusadores, unha chave inglesa, recortes de plástico, diñeiro en efectivo, etc.).
Ás detidas impútanselles os supostos delitos de roubo con forza, falsidade documental e pertenza a grupo criminal. A Policía mantén aberta a investigación para aclarar se as sospeitosas están vinculadas con algún outro roubo con forza cometido na cidade.
