“Todos os ciudadanos e ciudadanas de Vigo aparcarán gratuitamente. Porque aquí hai dous modelos de entender as cousas. Un é o modelo Feijóo, pagar, pagar e pagar”, acusou esta mesma mañá o alcalde da cidade, Abel Caballero, durante a inauguración dos aparcadoiros do Concello no Hospital Álvaro Cunqueiro.

O rexedor da cidade olívica prometeu que aparcar será gratuíto para calquera vigués mediante a Pass Vigo, e defendeu que só no caso de que Feijóo deixe de balde os aparcadoiros que xestiona a Xunta no hospital, el fará o mesmo para todos (e non só para os vigueses).

A do aparcadoiro é unha polémica máis no Cunqueiro, que xa provocou todo tipo de queixas e enfrontamentos desde a súa apertura, como o acontecido coa recollida das bolsas de basura por parte das auxiliares de enfermaría.

Un hospital da sanidade pública, que aluga solo privado e deixa en mans de concesionarias os máis dos seus servizos.