As dúas enquisas publicadas ata o momento, a de Sondaxe para La Voz de Galicia e a de GAD3 para CRTVG, apuntan que Abel Caballero conseguiría practicamente os mesmos resultados que hai catro anos, quedando con 19 edís.

Así, a de La Voz suliña que Caballero gañaría con contundencia, pero sen alcanzar o seu obxectivo de 21 e quedaría con 19. A candidatura de Marta Fernández Tapias fariase así con cinco concelleiros, mentres que o BNG non experimentaría o crecemento desexado e quedaría en dous, un máis que no 2019. Marea de Vigo pecha o pleno cun representante, fronte aos dous logrados fai catro anos.

Tamén a enquisa da CRTVG indica que en Vigo, Abel Caballero retería unha folgada maioría absoluta de 19 a 20 concelleiros, mentres que o PP subiría un ata os cinco e o BNG obtería 2 ou 3 edís. Desaparecería da corporación viguesa Marea de Vigo.