O corpo sen vida dun home foi localizado na mañá deste luns na praia de Ríos de Fóra, situada nas inmediacións da antiga Escola de Transmisións e Electricidade da Armada (ETEA), en Vigo. Segundo fontes do 112 Galicia, un particular alertou a urxencias sanitarias sobre as 07:15 horas, polo que se puxo en marcha un operativo para o levantamento do mesmo.

Fontes da Policía Nacional confirmaron a Europa Press que se trata do cadáver dun home e que xa se procedeu ao seu trasladado ao hospital Nicolás Pena para realizarlle a pertinente autopsia co obxectivo de esclarecer as causas da súa morte.