InicioPolíticaCaballero acusa á Xunta de mentir ao non autorizar ata agora a...

Caballero acusa á Xunta de mentir ao non autorizar ata agora a retirada do emisario de Samil

Portos di que o concello terá que correr con todos os gastos.

PUBLICADO O

- Advertisement -

O alcalde de Vigo, Abel Caballero, asegurou este luns que as obras de retirada o antigo emisario da depuradora en Samil terán “prioridade”, unha vez que o Concello xa recibido a “autorización” para os traballos por parte da Autoridade Portuaria.

Nunhas declaracións remitidas aos medios, o rexedor olívico acusou á Xunta de “mentir” tras afirmar que o Concello non necesitaba o permiso de Augas de Galicia para acometer esas obras, xa que a competencia é da demarcación provincial de Costas, dependente do Goberno central.

Abel Caballero asegurou que o pasado venres o Porto enviou á administración municipal o permiso para as obras, advertindo de que debe elaborar o proxecto. “Non o temos feito, porque a Xunta quixo que chegásemos a eleccións”, denunciou o alcalde, que hai uns días criticou que o Concello leva semanas esperando polos permisos e tanto o presidente da Xunta, Alfonso Rueda, como a candidata do PP á Alcaldía de Vigo, Marta Fernández-Tapias deran “instrucións directas” para impedir a retirada do vello emisario.

“Mentían cando dicían que non necesitabamos autorización. Si, necesitámola, e aínda nola deron o venres pasado”, reiterou Abel Caballero.

COMUNICACIÓN DO PORTO

O Porto de Vigo respondeu o Concello de Vigo lembrando que a súa petición de permiso de febreiro estaba á espera dun informe de compatibilidade coa estratexia mariña, un informe que chegou ao organismo portuario o 19 de abril pasado, e que é favorable coa condición de que se cumpran uns requisitos, establecidos pola Dirección Xeral da Costa e o Mar.

Ademais deses requisitos, a Autorida Portuaria comunicou que non ten inconveniente en informar favorablemente a retirada do vello emisario, sempre que se cumpran outras condicións (ademais das sinaladas pola Dirección Xeral): as obras corren por conta do Concello, que terá que asumir calquera dano ou prexuízo causado; cando acaben os traballos deberán repor a zona ao seu estado orixinal; e deberá adoptar todas as medidas preceptivas en materia de seguridade das obras, entre outras cuestións.

ÚLTIMAS

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...

O Mundial de Vigo terá que agardar: Xunta e Deputación rexeitan reunirse en plena campaña electoral

A candidatura de Vigo para converterse nunha das sedes do Mundial de Fútbol de...

Caballero pide unha reunión urxente con Xunta, Deputación, Goberno e Celta para pactar a reforma de Balaídos

O alcalde de Vigo, Abel Caballero, propuxo unha reunión este venres, día 20 de...

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...