Unha muller, M.M.B. de Vigo e 45 anos de idade, foi detida este pasado xoves na cidade olívica tras supostamente agredir á súa nai de 83 anos arrastrándoa polo chan mentres a suxeitaba polo pelo.

Tal como informou a Policía Local, os feitos ocorreron sobre as 23,30 horas desta noite nun domicilio situado na rúa Pablo Iglesias. No lugar unha anciá pedira axuda aos axentes despois de producirse un conflito familiar.

Unha vez alí, os actuantes atopáronse coa octoxenaria, que presentaba un ollo amoratado e o pelo alborotado. Ela manifestou que ao chegar ao domicilio, comezou a discutir coa súa filla, sendo suxeitada polo pelo pola mencionada, que a arrastrou polo chan, chegando a arrincarlle guechos de cabelo.

Por iso, a filla foi detida por un suposto delito de violencia no ámbito familiar, xa que a anciá presentaba lesións compatibles coa agresión.