A Policía Nacional informou este luns sobre unha nova modalidade de estafa informática dirixida especialmente a despachos de avogados e que foi detectada na cidade de Vigo.

Tal como indicou devandito corpo de seguridade, o ‘modus operandi’ consiste en que os avogados reciben un correo electrónico, no que se presentan como unha clínica especializada en estética e saúde, indicando que por mor dunha cuantiosa débeda económica solicitan asesoramento para proceder ao seu cobro.

Así, os letrados concretan unha cita presencial no despacho e, días antes, reciben a documentación relativa á débeda, en varios arquivos a través dunha ligazón wetransfer. Ao descargalos, todo o contido do computador comeza a encriptarse, non permitindo o seu acceso e solicitando o pago dunha cantidade para poder recuperalos.

Por iso, desde a Policía Nacional aconsellaron manter o equipo informático actualizado e as medidas de protección activadas. Tamén evitar executar arquivos, links ou utilizar dispositivos USB de dubidosa procedencia.