O alcalde de Vigo, Abel Caballero, destacou este sábado, no marco do Comité Federal do PSOE, que a política municipal no Partido Socialista está en “moi bo momento”, xa que as próximas eleccións municipais do próximo 28 de maio teñen unha “importancia singular” en cada cidade.

Neste sentido, subliñou que van ás eleccións con “moito optimismo, porque vai haber moi bo resultado”, en tanto que non considera que lle prexudique o “excesivo ruído” no Goberno de coalición, xa que consideran que “van subir”. En concreto, Caballero lembrou que en Vigo ten o 68% do voto, así como subliñou que Madrid ten unha candidata “magnífica”, referíndose a Reyes Maroto.

Pola súa banda, afirmou que os candidatos ás eleccións municipais do PSOE “teñen a certeza de que van gañar a alcaldía”.