A Policía Nacional de Vigo investiga a desaparición dun mozo de 25 anos, que falta desde o pasado mércores, día 8 de marzo, na cidade olívica.

Foi SOS Desaparecidos o que deu a voz de alerta, indicando que un home de 25 anos de idade, chamado Hamza Abidour, desaparecera en Vigo o mércores. Trátase dun home de 1,70 metros de estatura, complexión grosa, pelo negro e ollos negros. A Policía ten constancia dunha denuncia de desaparición do venres, día 10.