O goberno municipal de Vigo espera ter terminada a reformar da Avenida de Madrid a metade do mandato que vén, unha obra cun investimento duns 15 millóns de euros, dos que o Goberno de España “porá 10 millóns”.

Así o trasladou en rolda de prensa o alcalde da cidade, Abel Caballero, quen asegurou que o proxecto non acumula máis atraso que o derivado da propia decisión municipal de pospor o inicio das obras ata que se terminen os traballos na contorna do centro Vialia e en Gran Vía.

O alcalde insistiu en que se renovará o convenio co Ministerio de Transportes, Mobilidade e Axenda Urbana para levar a cabo esa obra, que se executará en dous tramos: o que vai desde praza de España á antiga estación de buses, e outro desde ese punto ata a altura do Seminario.

Sobre os prazos, Abel Caballero non fixou data concreta de inicio das obras, aínda que apuntou que estará terminada no seguinte mandato. “Gustaríame que a finais de 2025”, engadiu, á vez que lembrou que, nese momento, el seguirá sendo rexedor olívico.