A Policía Local de Vigo detivo na madrugada do pasado sábado, 18 de febreiro, a un home, D.B.S. de Brasil e 32 anos de idade, tras supostamente agredir á súa parella e encerrala no balcón dun piso situado na rúa Travesía.

Foi unha testemuña a que alertou aos axentes sobre as 00,05 horas, despois de ver desde a vía unha discusión de parella no balcón dunha vivenda, onde un home propinou dúas labazadas a unha nova, para despois encerrala na devandita estancia, volvendo introducila pola forza na vivenda.

Unha vez no lugar, os funcionarios identificaron á suposta vítima, de Brasil e 22 anos, a cal estaba “moi nerviosa” e mostraba dificultade para manter unha conversación “presumiblemente por estar excedida emocionalmente pola situación”, segundo explicaron os actuantes.

Ela presentaba signos de avermellamento nos pulsos, compatibles coa suposta agresión. Na vivenda tamén estaba o presunto agresor, que foi detido pola suposta comisión dun delito de violencia de xénero.