Un mozo, L.C.D.S. de Brasil e 22 anos de idade, foi detido en Vigo este pasado mércores por tratar de agredir a un policía tras tirar varias motos e ameazar a peóns que increpaban a súa conduta.

Tal como informou a Policía Local, foi un cidadán o que alertou de que na rúa México dous homes estaban a golpear motos estacionadas e ameazando aos peóns que pasaban por alí e chamábanlles a atención sobre os feitos que cometían.

O suceso ocorreu sobre as 17,30 horas e, unha vez no lugar, os funcionarios interceptaron a un home, que tentaba agredir a varios cidadáns. Ao decatarse da presenza policial, comezou a dar puñadas e patadas ao aire, mostrándose “moi agresivo”.

Tras varias advertencias para que cesase a súa conduta, os axentes inmobilizárono e detiveron ao home pola suposta comisión dun delito de desobediencia e resistencia.