O Espazo Fest, o festival que se desenvolve en varios pazos de Nigrán, anunciou este martes a primeira banda confirmada da súa terceira edición, os estadounidenses Wilco, que pasará polo Pazo de Urzáiz o próximo 20 de agosto.

Segundo trasladou a organización nun comunicado, a edición anterior de festival, que mestura o patrimonio natural e cultural dos Pazos de Nigrán coa música en directo, albergou máis de 6.000 asistentes entre todas as súas actuacións.

Deste xeito, indicaron que “nas próximas semanas” anunciaranse máis artistas “de renome” que actuarán en diversos pazos do concello entre os meses de xullo e agosto. As entradas para o concerto de Wilco xa están dispoñibles a un prezo de 30 euros as 1.000 primeiras, mentres que as restantes estarán a 35 euros.