A Policía Local rescata un can abandonado sen auga no interior dun vehículo en plena vaga de calor

Can protagonista da presente nova, sendo atendido polos axtenes/ Policía Local

A Policía Local de Vigo foi alertada ás 12:05 horas do día 3 de agosto da presenza dun can atrapado no interior dun vehículo aparcado na zona de Rioboo. Trasladados de inmediato ao lugar, comprobouse como efectivamente na parte do condutor estaba asfixiándose un can de cor branca, da raza Bull Terrier.

Parecía estar baixo os efectos dun golpe de calor, non respondendo ás distintas chamadas que os axentes facían para atraer a súa atención. No interior do automóbil, que se atopaba pechado a excepción duns dous dedos de abertura nas ventás das portas dianteiras, non se observou recipiente algún con auga do que o animal puidese beber.

Rescate semellante ao desta fin de semana, gravado en vídeo

A prioridade era intentar recuperar ao can, así que se optou por intentar baixar unha das ventás do vehículo, e tras conseguilo recolleuse ao animal, que perdera o sentido. O axente, coa axuda dos veciños que requiriran o servizo, foi recuperando aos poucos ao can, prolongándose os labores por espazo de 20 minutos, consistindo en arrefriar a súa
temperatura corporal, facilitándolle auga. Finalmente foise recuperando.

Trala lectura do microchip, o can foi evacuado cara á protectora de animais, para
a súa atención e coidado. O vehículo no que se atopaba foi trasladado ao depósito municipal. Carece de SOA e ITV vixente. O feito de deixar a un animal encerrado no turismo, e nas condicións nas que se fixo, determinou o inicio das actuacións pertinentes por un presunto delito de maltrato animal.

DEIXAR UN COMENTARIO

Please enter your comment!
Please enter your name here