InicioSociedadeLicitado por 4,6 millóns de euros un proxecto para converter 172 edificios...

Licitado por 4,6 millóns de euros un proxecto para converter 172 edificios de Vigo en nodos intelixentes

Terán capacidade para medir variables ambientais, satisfacción global, seguridade e calidade de vida.

PUBLICADO O

- Advertisement -

O delegado do Goberno en Galicia, José Miñones, anunciou a apertura da licitación por 4,3 millóns de euros da subministración para a posta en marcha dun proxecto para converter 172 edificios de Vigo en nodos intelixentes, unha iniciativa financiada polo Executivo central (80%) e o Concello (20%).

O proxecto ‘Vigo edificios intelixentes. Unha cidade para as persoas accesible, eficiente e comprometida’ enmárcase na convocatoria de Rede.es publicada polo Boletín Oficial do Estado (BOE), segundo detalla a Delegación do Goberno en Galicia.Miñones recalcou que o investimento nesta iniciativa “reflicte a aposta decidida do Goberno pola transformación das cidades en territorios e destinos intelixentes, máis competitivos, verdes e eficientes”.

Deste xeito, búscase converter 172 edificios repartidos polos barrios de Vigo en nodos intelixentes con capacidade para medir variables ambientais, de satisfacción global, de seguridade e de calidade de vida. Así, trasladarase estes datos á plataforma ‘Vigo Smart City’ para producir fluxos de información que melloren os servizos públicos e o seu alcance e eficacia.

O prazo de recepción de ofertas para a subministración do proxecto permanecerá aberto ata o próximo 22 de xaneiro e a apertura de ofertas realizarase o 5 de abril de 2022. Ademais, a duración do contrato estenderase durante 20 meses.

O delegado do Goberno sinalou que o Ministerio de Asuntos Económicos tamén impulsará proxectos piloto similares noutras sete cidades, entre elas, A Coruña. Estas urbes foron seleccionadas no marco da convocatoria de ‘Proxectos Pilotos de Edificios Intelixentes’, que busca obter información real da aplicación das tecnoloxías á mellora da calidade de vida e a xestión dun inmoble.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...