A metade dos refuxiados afgáns que chegaron a Galicia están en Vigo

A cidade olívica acolle a 16 dos 37 que chegaronn os últimos días.

Refuxiados de Afganistán chegando ao aeroporto de Madrid / EFE

Galicia recibiu entre o mércores e este venres un total de 37 refuxiados procedentes de Afganistán, segundo os datos do Ministerio de Inclusión, Seguridade Social e Migracións.

Durante este tres días foron derivados nove refuxiados á provincia da Coruña -seis homes e tres mulleres-, dos que cinco son menores. Todos eles vivirán na cidade da Coruña.

Ademais, a provincia de Pontevedra acolleu un total de 21 persoas -trece homes e oito mulleres-, nove delas menores de idade. A cidade de Vigo recibe a 16 e a de Pontevedra a cinco.

Os sete restantes foron destinados á cidade de Ourense. Son tres homes e catro mulleres, dos que cinco son menores de idade. 

DEIXAR UN COMENTARIO

Please enter your comment!
Please enter your name here