Unha decena de importadores asiáticos participan este luns e tamén o vindeiro martes na misión comercial inversa organizada pola Cámara de Comercio de Pontevedra,
Vigo e Vilagarcía de Arousa, en colaboración co Consello Regulador da D.O. Rías Baixas.
Esta acción está incluída no programa Plan Internacional de Promoción no marco do Programa Operativo de Crecemento Intelixente, para o período 2014-2020, e están
cofinanciadas polo Fondo Europeo de Desenvolvemento Rexional (FEDER) e o Consello Regulador da D.O. Rías Baixas cun orzamento total de 22.800 euros; 22.240 aportados polo Programa PIP e 5.560 euros que suma o Consello Regulador.
Os compradores asiáticos, que proceden de Corea do Sur, Chinesa, Xapón e Hong Kong, puideron coñecer e degustar os viños de 13 bodegas da zona de O Salnés, durante esta primeira xornada.
Mañá será a quenda doutras 13 bodegas con denominacións de O Rosal e Condado. En total prevese celebrar case 300 reunións con bodegas da D.O. Rías Baixas. Ademais, e como resultado destas catas, os compradores dedicarán as tardes a visitar bodegas e viñedos para coñecer os procesos de produción in situ.
A partir do mércores está previsto que a delegación realice unha visita ao Porto Pesquero, que incluirá un paseo en barco por Ría de Vigo, cunha parada nas bateas. Posteriormente desprazaranse a Anfaco para coñecer as súas instalacións e funcionamento.
O asiático é un mercado moi interesante para os viños desta Denominación de Orixe. O pasado ano se exportaron a este continente 172.369,43 litros de viño por un
valor de 1.044.302,73 euros.
“É por iso que actividades como esta resultan de gran interese para seguir ampliando as vendas dos viños das Rías Baixas”, explicou Eva Mínguez Lobato, directora de Marketing da D.O Rías Baixas.
Dentro de Asia, destacan as vendas en países como Xapón (onde o pasado ano se exportaron 102.668,30 litros de viño por un valor de 584.854,72 euros), e China (cun
volume de 31.348,88 litros exportados por 197.369,24 euros).
O crecente interese dos países asiáticos polos viños de Rías Baixas levou á incorporación durante o pasado ano 2017 de mercados exteriores como Hong Kong, Kazajistán ou Malasia.
Precisamente polo auxe nas vendas, “o Consello Regulador conta cun Plan de Promoción específico para Xapón”, apuntou Mínguez. Entre as accións desenvolvidas atópanse tres eventos dirixidos a profesionais e público xeral organizados en Tokio o pasado
mes de xuño.
A estas actividades cabe sumar a participación en distintas feiras do sector, como ProWine
Asia de Singapur ou Hong Kong Wine.
