Tres persoas resultaron feridas ao saírse da vía o coche no que circulaban por Vigo preto das 23,30 horas do pasado luns. Segundo informa o 112 Galicia, o sinistro produciuse na rúa Doutor Corbal. O aviso chegou por parte do 061, por mor do cal se mobilizou a Policía Local e bombeiros.
ACCIDENTE EN TUI
O 112 Galicia tamén informa dunha colisión entre unha furgoneta e un camión en Tui, ocorrida despois das 8,15 horas deste martes na A-55, no punto quilométrico 25. A alerta chegou por parte dun dos implicados. Os servizos de emerxencia desprazáronse ata alí para restablecer as condicións de seguridade na A-55, posto que o camión transportaba 500 litros de gasoil e perdeu parte da carga na vía.
