Detido un mozo en Vigo por quebrantar unha orde de afastamento

Foi localizado tras unha forte discusión cunha muller.

Arquivo - Edificio dos xulgados de Vigo. MIGUEL RIOPA/COLEXIO DE PROCURADORES DE VIGO

Un mozo de 31 anos foi detido en Vigo por quebrantar unha orde de afastamento de 200 metros a unha muller, ditada polo Xulgado do Penal n°1 da cidade olívica. Na madrugada do pasado 12 de agosto, a Sala de Comunicación do 092 da Policía Local de Vigo recibiu unha chamada por unha forte discusión.

Ao acudir ao lugar, os axentes comprobaron que sobre a cama dunha das habitacións estaban tendidos un home e unha muller. Ambos manifestaron ser parella, e que convivían, así como que, minutos antes tiveran unha acalorada discusión sen maior transcendencia.

O home comezou a insistir á muller para que abandonase o inmoble e fora trasladada a outro piso. No entanto, comprobouse que o home, JPR, de Vigo e 30 anos de idade, contaba cunha orde de afastamento, polo que se procedeu á súa detención.