O grao de Relacións Laborais e Recursos Humanos da Universidade de Vigo (UVigo) contará, a partir do próximo curso 2022/2023, con quenda de tarde, co obxectivo de que os alumnos que traballan de mañá poidan compatibilizar os seus estudos.
Tal como informou o centro universitario nun comunicado, este grao prepara aos estudantes no ámbito da dirección de recursos humanos e no coñecemento práctico da xestión e dirección de empresas no seu conxunto. Segundo Infoempleo e Adecco, é a quinta carreira universitaria con máis saídas laborais.
“A titulación é eminentemente práctica e proporciona aos estudantes as ferramentas necesarias para afrontar o día a día do traballo nunha empresa con sólidos coñecementos xurídicos, laborais, económicos e fiscais”, indicou o decano da Facultade de Ciencias Xurídicas, Francisco Torres.
Segundo el, son moitos os universitarios galegos que estudan a tempo parcial para poder compaxinar os seus estudos co seu traballo. Por iso, este curso abriranse 25 prazas en horario de tarde, “entendendo que é unha solución ideal para eles”.
