InicioEconomíaZona Franca entrega os Premios Ardán ao exministro Illa e a 12...

Zona Franca entrega os Premios Ardán ao exministro Illa e a 12 empresas

300 representantes do mundo empresarial, económico, social e político asistiron á gala celebrada na sede de Afundación.

PUBLICADO O

O Consorcio Zona Franca de Vigo entregou este mércores os Premios Ardán nunha gala celebrada de forma presencial no auditorio da sede de Afundación na que foron recoñecidos o exministro de Sanidade Salvador Illa e 12 empresas “excelentes” que buscan “facer ben as cousas”.

Ante máis de trescentos representantes do mundo empresarial, económico, social e político, Zona Franca distinguiu a 12 empresas que alcanzaron o maior número de indicadores Ardán. Ademais, Illa foi galardoado pola súa “excelencia” á fronte dunha carteira “clave” do Goberno de España durante a pandemia.

Foi o delegado do Estado, David Regades, o encargado de dar a benvida ás persoas asistentes ao acto, que foi clausurado polo alcalde de Vigo, Abel Caballero. A conferencia central estivo a cargo do presidente da Fundación Garrigues, Antonio Garrigues. Entre os asistentes tamén estivo o delegado do Goberno en Galicia, José Miñones.

En concreto, as empresas galardoadas na edición deste ano foron Ayan Loxística, Citic Censa, Compañía Española de Algas Mariñas, Corunet, Garmir Mantemento e Servizos Industriais, Hermasa, Igalia, Instituto de Estudos Celulares e Moleculares, Lugar da Veiga, Ovapiscis, Polirrós e Rodavigo.

Para o delegado do Estado “facelo ben, facéndoo correctamente nunca fora tan importante”, polo que subliñou os retos actuais como o cambio climático, a innovación tecnolóxica ou as aspiracións cidadás en sociedades avanzadas para garantir a igualdade de oportunidades.

Regades puxo en valor que Ardán se converteu nun “instrumento de medición para a toma de decisións no ámbito empresarial e institucional”, porque “para mellorar é necesario medir” e “os Indicadores Ardán están apoiados metodológicamente por grupos de investigadores da Universidade de Vigo”.

“EXCELENCIA” DE SALVADOR ILLA

En canto aos galardoados, Salvador Illa foi recoñecido pola súa “excelencia” á fronte do Ministerio de Sanidade durante os primeiros meses da pandemia. El mesmo destacou “a decencia na xestión da pandemia” e reivindicou “a utilidade da política, como o mellor servizo que pode facerse á cidadanía”.

Illa subliñou que a pandemia puxo en valor a importancia de determinados sectores, como o transporte, e indicou que esta crise tamén trouxo cousas boas, como o avance da ciencia española, que está a piques de aprobar unha vacina contra o Covid-19. “Isto foi moi duro, pero saímos disto mellor”, sentenciou, tras o que chanceou que virá a Vigo por Nadal.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...