A Policía Nacional tivo que intervir este sábado na contorna do Estadio de Balaídos, en Vigo, debido a un enfrontamento entre seareiros do Celta de Vigo e do Raio Vallecano que deixou varios feridos, aínda que por agora ningún de carácter grave.
Ocorreu, segundo indican fontes policiais, na zona de Praza da Miñoca sobre as 17,30 da tarde, cando apenas faltaba unha hora para que arrincase o partido entre ambos os equipos.
A falta de que a Policía actualice máis datos sobre estes altercados, por redes sociais circulan vídeos onde se pode ver a decenas de persoas lanzando obxectos, provocando danos ao mobiliario urbano e mesmo pelexas entre grupos de individuos.
Os axentes montaron un dispositivo na zona para poder identificar a persoas que intervirna na pelexa.
