InicioSociedadePersoal de Vitrasa, en pé de guerra polas súas condicións laborais

Persoal de Vitrasa, en pé de guerra polas súas condicións laborais

Concéntranse este venres ante o Concello de Vigo e manteñen a folga durante os fins de semana, aínda que lembran que se a empresa non negocia, volverase indefinida todos os días.

PUBLICADO O

- Advertisement -

Os traballadores e traballadoras da empresa Vitrasa, concesionaria do servizo de transporte de bus urbano de Vigo, concentraranse este venres, a partir das 11,00 horas, na Praza do Rei, ante o consistorio olívico, para denunciar a actitude do goberno local ante o conflito laboral que lles afecta e que os levou a convocar unha folga, con paros os fins de semana desde o pasado sábado.

O persoal puxo en marcha esta medida de presión para reclamar melloras nas súas condicións laborais, como a regulación dos descansos, a redución da sobrecarga de traballo, a contratación de máis persoal ou a redución do número de empregados eventuais.

Así mesmo, denunciaron que a empresa non atende as súas demandas e que toma medidas represivas contra os traballadores. Tamén afearon ao Concello que, a pesar de ser o responsable último dun servizo que é municipal, non se implicou para resolver o conflito.

Por iso, o comité de folga convocou unha manifestación para este venres que sairá á primeira hora da mañá das instalacións de Vitrasa en dirección ao Concello, onde concluirá sobre as 11,00 horas cunha concentración. Ademais, lembraron que, se a empresa non negocia, os paros converteranse en folga indefinida todos os días (excepto festivos) a partir do 13 de decembro.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...