InicioPolíticaO goberno vigués ve "ridículo" o alcance do Cartón Básico da Xunta...

O goberno vigués ve “ridículo” o alcance do Cartón Básico da Xunta comparado coa política social municipal

Desde o consistorio vigués sinalan que as políticas sociais na cidade olívica saíron "sen recibir nin un euro" dos Fondos Covid transferidos polo Goberno á Xunta.

PUBLICADO O

O goberno municipal de Vigo tachou de “dato ridículo” o alcance do chamado Cartón Básico da Xunta (unha iniciativa de axudas sociais posta en marcha para atender a emerxencia social provocada pola pandemia de Covid e que beneficiou ata agora a unhas 33.000 familias), fronte á política social que desenvolve o Concello olívico “en solitario.

Así o puxo de manifesto a concelleira de Política Social do goberno vigués, Yolanda Aguiar, nunhas declaracións remitidas aos medios, e nas que lembrou que, fronte ás 33.000 familias beneficiarias do Cartón Básico, o Concello de Vigo outorgou máis de 4,3 millóns de euros en diferentes iniciativas, entre elas, axudas a comedores sociais, bolsas de comedor para escolares ou axudas de emerxencia, das que se beneficiaron 37.700 persoas, e repartiuse o ‘cartón da dignidade’ a máis de 9.000 familias, ademais de subvencións para o pago de vivendas e subministracións.

Todo iso, incidiu, “sen recibir nin un euro” dos Fondos Covid transferidos polo Goberno á Xunta. “Reclamamos unha vez máis que a Xunta transfira aos concellos as inxentes cantidades que recibiu do Goberno de España para políticas sociais. Un pouco de seriedade, que se deixen de facer política cos máis vulnerables”, subliñou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...