A Policía Local cazou na madrugada deste xoves na estrada de O Portal de Vigo a un condutor, H.R.E. vigués de 43 anos de idade, que case cuadriplicaba a taxa de alcol permitida, ao arroxar unha marca de 0,90 e 0,86 miligramos por litro de alcol por aire expirado.

Foi durante a realización dun control de tráfico na parroquia viguesa de Valadares cando os axentes pararon pasadas as 03,00 horas da madrugada ao condutor do turismo e comprobaron que presentaba “claros síntomas” de atoparse baixo os efectos do consumo de bebidas alcohólicas.

Por este motivo, procederon a realizarlle as probas preceptivas de determinación do grao de impregnación alcohólica, arroxando estas un resultado positivo que excede o límite penal establecido. Desta maneira, instruíronse dilixencias para o efecto para o seu traslado á autoridade xudicial competente.