InicioPolíticaYolanda Díaz: "Queremos ser determinantes para o próximo goberno"

Yolanda Díaz: “Queremos ser determinantes para o próximo goberno”

A deputada de Ferrol, cabeza de lista de Unidas Podemos por Pontevedra, fixa como "retos" da campaña recentemente iniciada "falar dos problemas da xente".

PUBLICADO O

- Advertisement -

En Común Unidas Podemos iniciou a carreira cara ás eleccións xerais na medianoite deste venres en Vigo, onde os cabeza de lista polas catro provincias reivindicaron que “un futuro goberno progresista depende dos resultados” das urnas galegas.

Así o resaltou o número un por Pontevedra, a ferrolá Yolanda Díaz, quen subliñou que “un goberno progresista ao servizo da xente e das maiorías pasa porque En Común Unidas Podemos teña un resultado que coloque a Galicia no Estado para ser determinante para o próximo Goberno”.

Acompañada pola cabeza de lista por Ourense –Ledicia Piñeiro–, Lugo –Vanessa Somoza–, e A Coruña –Antón Gómez-Reino–; Yolanda Díaz desafiou á número un por Pontevedra do Partido Popular, Ana Pastor, a manter un debate electoral “centrado en Galicia” aberto á participación de máis candidatos do resto de forzas políticas.

Yolanda Díaz, candidata de En Común Unidas Podemos pola provincia de Pontevedra / Miguel Núñez

Díaz fixa como “retos” da campaña recentemente iniciada “falar dos problemas da xente”, entre os que sitúa “o paro, a precaridade, a desigualdade e a corrupción”. “Temos que derrogar a reforma laboral e loitar contra a precariedade, temos que crear emprego e darlle protección aos desempregados, avanzar na igualdade retributiva. A xente está farta da corrupción, hai que acabar coas portas giratorias. Temos que garantir a Lei de dependencia, a sanidade e a educación”, incidiu Díaz.

Antón Gómez Reino, candidato de En Común Unidos Podemos pola Coruña na pegada en Vigo / Miguel Núñez

PEGADA EN PORTA DO SOL

Así as cousas, a coalición de Esquerda Unida, Podemos e Equo elixiu a cidade olívica para iniciar a campaña electoral, mentres que os seus exsocios, a En Marea de Luís Villares, optaba por Santiago de Compostela.

Na viguesa Porta do Sol, os candidatos Díaz e Gómez-Reino, que no últimos tres anos representaron as siglas En Marea contra as que agora compiten electoralmente, coincidiron en instar o Partido Socialista a aclarar que na súa folla de ruta non entra un pacto de goberno con Cidadáns. “Esta incerteza de darlle o voto ao PSOE para gobernar con Cidadáns é dicir que haberá un goberno de dereitas, como xa insinuou (José Luís) Ábalos”, remarcou o secretario xeral de Podemos Galicia, Antón Gómez-Reino.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...