O estaleiro vigués Vulcano deberá presentar unha “folla de ruta” pactada cos seus traballadores e cos das empresas auxiliares, onde “estableza as especificacións técnicas e económicas” que require para terminar o ferri que ten nas súas bancadas.

Así se acordou nunha reunión celebrada en Madrid, entre representantes de Igape, a naviera Armas, o Banco Santander (dono do barco) e Pymar.

Fontes da Xunta sinalaron que todas as partes “acordaron a necesidade de que o estaleiro termine o barco”, e así o trasladaron a Vulcano, que se sumou posteriormente ao encontro.

Por tanto, a empresa deberá trasladar ao Banco Santander e a Armas esa planificación, e as partes quedaron emprazadas a unha próxima reunión, que aínda non ten data concreta.

Así as cousas, o escenario non variou substancialmente, xa que segue sen confirmarse o desbloqueo dos avais e o financiamento necesario para que o estaleiro conclúa o ferri.

No entanto, fontes de Vulcano trasladaron que a naviera Armas estaría disposta a aceptar un plan de traballo para 42 días, que empezarían a contar no momento en que o persoal de Vulcano e os operarios das subcontratas entrasen a traballar de forma efectiva.