Balance final do accidente do Marisquiño: 313 feridos, 5 graves

Accidente no concerto do Marisquiño/ Miguel Núñez

Un total de 312 persoas foron atendidas esta noite, cinco delas de gravidade, aínda que non se teme pola súa vida, tras o accidente que se produciu na noite do domingo a luns en Vigo, en pleno festival do Marisquiño, ao esborrallarse unha pasarela de madeira durante unha das actuacións.

O presidente da Autoridade Portuaria de Vigo, Enrique César López Veiga, apuntou a un “fallo estrutural” como posible causa do esborralle da pasarela na que se estaba celebrando o festival. “O primeiro que hai que ver é o que está a pasar, pero a impresión apunta a algún tipo de fallo estrutural porque a parte superior ten madeira pero o estraño é o formigón”, indicou López Veiga nunha entrevista na Cadea Ser recollida por EP.

Así lembrou, neste sentido, que “o formigón é moi resistente”, polo que “se estivese ben armado con ferro non é fácil que pase”, engadiu.

Nove das 313 persoas atendidas polo Servizo Galego de Saúde (Sergas) permanecen ingresadas en centros hospitalarios, cinco delas en estado grave. Diso informou en declaracións a ‘Antena 3’, recollidas por Europa Press, este luns o Conselleiro de Sanidade, Jesús Vázquez Almuíña, que precisou que das nove persoas ingresadas, dous son menores. Con todo, espérase que un destes menores poida recibir o alta xa na mañá deste luns.

No lugar do sinistro realizáronse varios rastreos térmicos para comprobar que non quedara ninguén debaixo da pasarela nin na auga, xa que algúns dos accidentados caeron ao mar tras o derrube. Tamén o alcalde Abel Caballero achegabase ao lugar dos feitos para tranquilizar á xente e destacaba que a maioría parte dos feridos eran leves e que non había constancia de desaparecidos.

O accidente tivo lugar a última hora da noite do domingo, cando centos de persoas escoitaban a última das actuacións do festival sobre unha plataforma situada no Parque das Avenidas que xa fora criticada polo seu mal estado de conservación.

1 COMENTARIO

  1. Quen fixo os pilotes non Porto de Vigo? Si o fallo é estructural vexamos quen realizou a estrutura… seguramente debaixo da terminal da froita agora ocupada pola Garda Civil o mar segue traballando día a día en silencio… Pero ninguén responde cando se trata de ver as toneladas de formigón e ferro e as súas calidades para soportar o paso do tempo! O paseo de Bouzas afundiuse en varias ocasións e foi reparado daquel xeito… todo se fai a bulir e ao final pagamos DÚAS VECES !!! Pero cando se trata de reencher a ría para novos peiraos comerciais os traballos realízanse a conciencia e as empresas son sempre “amigas” que facturan centos de millóns! https://flic.kr/p/KCKifx

    Abrimos Vigo ao Mar ? Afortunadamente todo quedou nun susto e confío que os feridos recupérense sen secuelas ! A mala elección do lugar para o concerto destapou a precariedade do paseo sobre pilotes do proxecto Abrir Vigo ao Mar!

    Supoñemos que o arquitecto Consuegra non será o responsable desta chapuza, máis ben a neglixencia da Autoridade Portuaria á hora do mantemento pois durante anos levamos denunciando o lamentable estado do pavimento das Avenidas (ao soportar as cargas pesadas do tráfico portuario que esnaquizou este paseo durante anos!).

    Creo recordar algúns nomes de responsables da Autoridade Portuaria de Vigo: Corina Porro – Abel Caballero – López Veiga (as rúas Carral e Reconquista afúndense co paso dos autobuses urbanos e seguen mirando para outro lado!)

    Esperemos que este ACCIDENTE poña as pilas aos que seguen PECHANDO VIGO ao MAR !!! Os organizadores do Marisquiño que non teñen culpa algunha neste sinistro seguro que acabarán pagando o pato (coma sempre!)

DEIXAR UN COMENTARIO

Please enter your comment!
Please enter your name here