InicioSociedadeFalece Antonio Collazo, referente do movemento veciñal de Vigo

Falece Antonio Collazo, referente do movemento veciñal de Vigo

Foi presidente da Asociación Veciñal de Teis durante 23 anos.

PUBLICADO O

- Advertisement -

A Asociación Veciñal de Teis lamenta o falecemento do que foi o seu presidente ao longo dos últimos 23 anos, Antonio Collazo Collazo. Unha noticia que, explican, coñeceron na tarde este martes. “Desde a xunta directiva queremos trasladarlle o noso máis sentido pénsame a familia de de Antonio Collazo”, recollen no comunicado.

Xa na asemblea da Asociación celebrada o pasado 29 de abril, para elixir a nova xunta directiva para o período 2022-2025, comunicara a súa decisión persoal de non continuar no cargo. “Foi un home entregado coa Asociación Veciñal de Teis, á que dedicou máis de 23 anos da súa vida de xeito desinteresado. Pola súa longa traxectoria e implicación, era un dos referentes do movemento veciñal de Vigo”, explican os compañeiros.

“Sempre foi unha persoa de ideas de esquerda e comprometido co seu pobo, pois ademais de implicarse co movemento veciñal, participara tamén no movemento sindical”, prosegue a Asociación, que tamén destaca a súa faceta humana: “honesto, comprometido, solidario, dialogante. Que se facía querer por calquera persoa que o coñecía. Un home de ben”.

“Sentíase profundamente orgulloso de ser Teis e traballou arreo pola veciñanza de Teis.  Nunca te esqueceremos e sempre estarás na nosa memoria”, finaliza a Asociación.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...