InicioSociedadeO Hospital Álvaro Cunqueiro pon en marcha unha nova unidade de Imaxe...

O Hospital Álvaro Cunqueiro pon en marcha unha nova unidade de Imaxe Cardíaca interdisciplinar

A nova unidade conta con radiólogos, cardiólogos, persoal técnico e de enfermaría; ademais, está dotada cun TAC e unha resonancia magnética.

PUBLICADO O

- Advertisement -

O Hospital Álvaro Cunqueiro de Vigo puxo en marcha unha nova unidade de Imaxe Cardíaca interdisciplinar, coa que se converte “no primeiro hospital de Europa que conta cun sistema de imaxe avanzada cardiolóxica co máximo nivel de integración”.

Así o comunicou o Servizo Galego de Saúde (Sergas), que indicou que esta unidade ten como obxectivo incrementar a eficiencia e calidade dos estudos de imaxe avanzada cardiovascular, así como ampliar a capacidade diagnóstica das patoloxías cardíacas, para o que incorpora especialistas dos servizos de Cardioloxía e Radiodiagnóstico.

O xerente do Sergas, José Flores, destacou que “este hospital xa é un centro sanitario de referencia en Imaxe Avanzada Cardiovascular tras a adquisición de tecnoloxía sanitaria innovadora que permite, grazas a ferramentas como a intelixencia artificial, a integración de todas as súas probas de imaxe nunha única plataforma“.

A nova unidade conta con radiólogos, cardiólogos, persoal técnico e de enfermaría; ademais, está dotada cun TAC e unha resonancia magnética, e a imaxe xerada intégrase nunha única plataforma dixital accesible desde calquera punto dos servizos de Cardioloxía e Radioloxía. A previsión é que se realicen uns 5.000 estudos diagnósticos ao ano.

Pola súa banda, o xefe do servizo de Radiodiagnóstico, Xan Vieito, explicou que a nova tecnoloxía adquirida “permite atender a demanda de calquera tipo de estudo, con independencia do estado ou a condición do paciente, aínda que presente ritmo irregular ou frecuencias altas”.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...