InicioSociedadeAs residencias viguesas manteñen os contaxios a cero

As residencias viguesas manteñen os contaxios a cero

Galicia suma 3 días sen positivos entre usuarios de residencias.

PUBLICADO O

- Advertisement -

As residencias de maiores galegas continúan este sábado, por terceira xornada consecutiva, sen usuarios contaxiados pola covid-19, aínda que se manteñen en dous os casos positivos de traballadores destes centros; se ben ningún deles se atopa na área de Vigo.

Segundo os datos facilitados este sábado pola Consellería de Política Social, as residencias de maiores da comunidade permanecen sen casos de coronavirus por terceiro día consecutivo entre os seus usuarios despois de que recibisen o alta 11 residentes da Coviastec de Silleda. En concreto, rexístranse dous traballadores de residencias de maiores contaxiados, un correspondente á propia Coviastec de Silleda e outro da de Oleiros.

Pola súa banda, os centros de discapacidade galegos non experimentaron cambios, xa que seguen sen presentar casos de covid-19 nin entre os seus usuarios nin entre os seus traballadores.

Esta situación prodúcese despois de que, durante a terceira onda do coronavirus, as residencias galegas rexistrasen un pico de usuarios contaxiados, 466. Isto ocorreu o 24 de xaneiro, un día antes de cumprirse o sete días necesarios desde a administración da segunda dose da vacina para xerar inmunidade, dado que este proceso arrincou de forma xeneralizada o 18 de xaneiro.

Desde o día 25, e aínda a pesar dalgúns brotes, as residencias de maiores galegas veñen experimentando un progresivo descenso na cifra de usuarios afectados. Así, o 27 de xaneiro, un mes despois do inicio da vacinación na Comunidade, eran 445 os usuarios positivos mentres que o 27 de febreiro a cifra situábase nos 50. A data 3 de abril non hai ningún contaxiado entre os usuarios, con só dous traballadores afectados.

ÚLTIMAS

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...