A Consellería de Sanidade sumou cinco novos falecementos relacionados coa pandemia do coronavirus en Galicia, que elevan o cómputo global a 1.346. Dous deles faleceron en Vigo
Destsas cinco vítimas rexistradas nas últimas horas, dúas delas ocorreron na residencia Asilo Vilalba. En concreto, morreron neste centro dous homes de 82 e 65 anos que estaban diagnosticados de covid-19.
Ademais, o Hospital Povisa notificou o falecemento doutros dous varóns, de 75 e 92 anos, que permanecían ingresados con coronavirus. A estes hai que sumar a morte dun home de 64 anos no Complexo Hospitalario Universitario de Ferrol (CHUF). Todos eles contaban con patoloxías previas, segundo precisou a Consellería de Sanidade.
Os cinco mortos rexistrados este luns en hospitais galegos supoñen dous máis que os tres notificados na tarde do domingo e tres máis que os dous do sábado, que precisamente foi a cifra máis baixa desde o 28 de novembro.
