InicioSociedadeProfesionais contra o negacionismo da COVID: "O temor dos pacientes é non...

Profesionais contra o negacionismo da COVID: “O temor dos pacientes é non ver máis á familia”

PUBLICADO O

Esta é o relato en primeira persoa de Galys, profesional de radioloxía do Hospital Álvaro Cunqueiro, ante o negacionismo extendido de que o COVID19 é unha mentira ou un complot de gobernos e multinacionais.

“Radiografía de tórax 12.08.2020 … o medo reflíctese na súa mirada. É algo ao que teremos que volver a afacernos. O paciente chega con febre, dor e con gran dificultade para respirar. Así leva un par de días na casa ata que finalmente tivo que entrar por urxencias e cos seus síntomas é atendido como paciente covid.

Para facerlle a radiografía teño que deitalo sobre a placa. É incómodo e a súa dificultade respiratoria increméntase por momentos. Tras facer a radiografía o paciente bótase a chorar mentres nos dá as grazas… ao vernos cos EPIs – equipos de protección individual – sabe que está na zona Covid-19 e o seu maior temor é terminar ingresado e non poder ver á súa familia que quedou fóra de urxencias por estar xa en zona de illamento.

Un paciente con só vernos ataviados co EPI xa sente o temor de non volver atrás, a quedar ingresado sen poder ver aos seus seres queridos ata que volva para casa, no mellor dos casos. É unha agonía que percorre todo o seu corpo desde o primeiro instante que cruza as portas de urxencias.

E con ese medo que vemos nos seus rostros todos os días, nós, os profesionais sanitarios, temos que convivir mentres ti segues crendo que isto é un complot ou unha mentira, e ogallá fose un mal soño, pero o covid-19 é unha realidade, unha realidade que cando menos o esperas pódeche deixar sen respiración, sen capacidade para tomar unha simple bocanada de aire.

Agora o ti podes pensar o que queiras, pero o que non penso aceptar é que me digas que é mentira o que eu vexo día tras día ante os meus propios ollos”

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...