A Policía Local de Vigo realizou este venres distintos controis nas saídas da cidade, segundo informou o alcalde, Abel Caballero, para evitar que vaian de fin de semana nun momento no que se precisa o confinamento na casa. Por iso, na súa comparecencia, incidiu tamén na necesidade de que as persoas respecten o confinamento “porque ninguén está libre de contaxiar ou ser contaxiado”.
Este tipo de controis están tendo lugar en distintas cidades galegas, en colaboración coa Policía Nacional, Local e Autonómica.